"खबर गरौं हेल्पलाइन; ११४५" को छैठौं स्थापना दिवस विशेष कार्यक्रम

"लैङ्गिक हिंसा अन्त्यको सुनिश्चितता: महिला र बालबालिकामा लगानी ऐक्यबद्धता" भन्ने नारा सहित विश्वव्यापी रुपमा मनाइएकोफ लैङ्गिक हिंसा विरुद्धको १६ दिने अभियान राष्ट्रिय महिला आयोगद्वारा मिति २०८०।८।२४ गते (१० डिसेम्बर¸ २०२३)का दिन औपचारिक कार्यक्रम समापन भयो । कार्यक्रममा राष्ट्रिय महिला आयोगद्वारा सञ्चालित "खबर गरौं हेल्पलाइन; ११४५" को छैठौं स्थापना दिवस विशेष कार्यक्रमको रुपमा पनि यो कार्यक्रम आयोजना गरिएको हो । आयोगका माननीय अध्यक्ष कमला कुमारी पराजुलीज्यूको अध्यक्षता गर्नु भएको कार्यक्रममा महिला¸ बालबालिका तथा ज्येष्ठ नागरिक मन्त्रालयका माननीय मन्त्री श्री सुरेन्द्र राज आचार्यज्यू प्रमुख अतिथीको रुपमा उपस्थित हुनु भई कार्यक्रमलाई सम्बोधन गर्नु भयो । कार्यक्रममा आयोगका सचिव श्री कमल बहादुर राजलवटज्यूले कार्यक्रमको उद्देश्य सहित स्वागत मन्तव्य व्यक्त गर्नु भएको थियो । खवर गरौं हेल्पलाइन सेवा र राष्ट्रिय महिला आयोगबाट पीडितलाई प्रवाह भएको सेवाको सवालमा आयोगका सूचना अधिकारी चन्द्रा थापाले कार्यपत्र प्रस्तुत गर्नु भएको थियो । त्यसैगरी माननीय सदस्य सावित्रा कुमारी शर्माले धन्यवाद ज्ञापन मन्तव्य व्यक्त गर्नु भयो भने आयोगका सेवाग्राही तथा साझेदार निकाय ल्याक नेपालको अध्यक्ष अनिता थपलियाको समेत मन्तव्य रहेको थियो । अन्त्यमा १६ दिने अभियान सफल भएको जानकारी गराउँदै कार्यक्रमको निश्कर्षमा "हिंसाको अन्त्य गर्ने" रहेको जानकारी सहित कार्यक्रमका अध्यक्ष एवं आयोगका माननीय अध्यक्षबाट कार्यक्रमको औपचारिक समापन भयो ।